立 法 會 要 互 選 三 名 議 員 做 中 大 校 董 ， 象 徵 中 大 校 董 會 有 民 意 代 表 監 察 校 務 。 立 會 內 務 委 員 會 噚 日 推 舉 校 董 人 選 ， 按 照 老 規 矩 ， 人 選 預 先 經 各 黨 派 協 調 「 分 餅 仔 」 ， 由 於 陳 克 勤 係 中 大 畢 業 生 ， 又 係 新 界 東 議 員 ， 民 建 聯 派 佢 做 代 表 不 作 他 選 ， 況 且 做 校 董 冇 特 別 要 求 ， 性 別 不 限 ， 有 breast 冇 breast 唔 拘 ， 陳 克 勤 晉 身 中 大 校 董 會 ， 就 係 咁 兒 戲 。 校 董 冇 薪 酬 ， 咁 有 乜 權 責 呢 ？ 法 例 上 校 董 須 管 理 和 控 制 大 學 大 小 事 務 、 職 能 同 財 政 ， 請 職 員 、 收 幾 多 錢 學 費 都 要 過 問 。 陳 克 勤 之 外 ， 張 宇 人 同 黃 毓 民 都 做 校 董 ， 滿 意 與 否 ， 校 方 、 職 員 同 學 生 都 冇 得 異 議 。 八 方 已 經 講 ， 三 個 校 董 基 本 上 由 各 黨 派 內 定 ， 本 來 係 等 額 選 舉 ， 點 知 噚 日 臨 場 殺 出 醫 學 界 議 員 梁 家 騮 ， 搞 到 要 投 票 ， 詎 料 翻 出 泛 民 一 盤 舊 賬 ， 確 係 始 料 不 及 。
原 來 除 毓 民 ， 公 民 黨 黨 魁 余 若 薇 都 想 做 中 大 校 董 ， 正 所 謂 順 得 哥 情 失 嫂 意 ， 泛 民 飯 盒 會 上 抽 生 死 籤 ， 毓 民 手 氣 好 ， 校 董 個 位 歸 佢 ， 點 知 投 票 時 ， 兩 名 公 民 黨 議 員 梁 家 傑 、 吳 靄 儀 竟 然 唔 跟 大 隊 ， 投 票 畀 梁 家 騮 ！傑 哥 冇 跟 協 定 投 票其 實 幾 大 黨 派 講 掂 數 ， 梁 家 騮 出 選 注 定 做 炮 灰 ， 就 算 公 民 黨 畀 兩 票 佢 ， 總 共 都 係 得 九 票 ， 無 關 痛 癢 ， 反 而 公 民 黨 忽 然 倒 戈 令 人 意 外 。 有 泛 民 議 員 同 八 方 講 ， 既 然 飯 盒 會 有 君 子 協 定 ， 公 民 黨 應 該 約 束 黨 員 投 票 ， 否 則 日 後 講 完 唔 算 數 仲 得 了 ！ 另 一 議 員 指 選 舉 時 社 民 連 選 舉 論 壇 上 追 殺 公 民 黨 ， 懷 疑 有 人 記 仇 ， 藉 機 向 毓 民 還 以 顏 色 。 梁 家 傑 向 八 方 呼 ， 強 調 自 己 唔 知 道 飯 盒 會 協 議 支 持 毓 民 ， 佢 以 為 自 由 投 票 ， 覺 得 梁 家 騮 投 得 過 咪 舉 手 ， 其 實 身 旁 余 若 薇 已 即 時 喝 令 佢 縮 手 ， 點 知 點 票 都 計 埋 佢 數 ， 佢 話 今 次 純 屬 誤 會 ， 希 望 泛 民 議 員 明 白 。 噚 日 同 時 推 舉 五 位 港 大 校 董 ， 分 別 由 葉 劉 、 石 禮 謙 、 涂 謹 申 、 李 卓 人 同 葉 國 謙 出 任 ， 同 陳 克 勤 、 毓 民 比 較 ， 睇 落 相 形 「 失 色 」 。 http://appledaily.atnext.com/template/apple/art_main.cfm?iss_id=20081018&sec_id=4104&subsec_id=15333&art_id=11736063&cat_id=45&coln_id=20
No comments:
Post a Comment