癲狗又再霸道無理，有佢講無人講！

毓民鄭家富「炒大鑊」(明報)1月8日 星期四 05:05
【明報專訊】社民連主席黃毓民 火爆係人都知，除批評建制派外，每遇到唔滿意事，即使係民主派 自己友，都一樣會鬧大交。噚日立法會 工務小組會議，毓民就同民主黨 鄭家富 「炒大鑊」，炒到要休會5分鐘先肯停口。不滿阿富「無開會執口水尾」話說工務小組討論旺角 大球場改善工程問題，其實上個月民政事務委員會已傾過一次，委員都畀唔少意見，包括毓民提出球場加設上蓋問題，當時政府方面已經解釋有一定難處，委員亦無強求一定要加設上蓋先收貨。而噚日會上，再有人提出加設上蓋問題，鄭家富更要求工程要拎返去事務委員會再傾，先可以將項目交去財委會表決。毓民聽到呢度就火都埋，立即反駁阿富，指呢個意見佢一早已經提出，但阿富唔去開民政事務委員會，而家就話要返轉頭傾，真係玩咩！阿富強調自己唔係玩，只係畀意見，仲話立法會好嚴肅。毓民就好嬲咁罵阿富唔去開會，但又話要返轉頭，阿富反指「無開會唔可以講嘢咩，唔係大聲就得」，兩個人愈講愈火爆，最後搞到主席何鍾泰 要大家冷靜，飲啖水，休會5分鐘先再開會。雖然後來都無再鬧交，但毓民過幾個鐘後，仲同記者講，話阿富唔去開會又執佢口水尾，怒氣仲未消。--