長毛被罰萬元 為方便亂泊車 理直氣壯

長毛被罰萬元 補選食37張牛肉乾
(明報)2010年7月21日 星期三 04:40
【明報專訊】5區補選陣，公、社兩黨都做好多宣傳工作，5個當選議員先後交選舉開支，原來5個人今次補選度，總共用超過687萬，當中亦有好多騎呢選舉開支，包括社民連梁國雄 （長毛 ）選舉期間，申報單係違例泊車罰款，就已經用超過1.1萬蚊，如果以違例泊車每張320蚊計，佢就已經食成37張牛肉乾！

為方便亂泊車 理直氣壯

Emily問過長毛點解會咁樣，點知佢理直氣壯咁話自己無車牌，相信都係司機為方便做口野亂泊車，仲話好多香港人都係咁。話晒長毛都係議員，點都應該守規則，但長毛竟然反問Emily「你係咪傻」，完全覺得違例泊車好正常。佢仲話一張罰款要幾百蚊，「罰萬幾蚊都唔係好多」，相信呢個觀點，都冇咩人會認同。

和尚打傘造型花198元

長毛報名參選日，打扮成和尚打傘造型，諷刺政府無法無天，原來都用198蚊，因為把油紙傘就要100蚊，而佢個光頭頭套就要98蚊。

長毛黨友陳偉業 申報選舉開支係眾人之冠，可能因為佢選舉團人數多，飲食開支大過人，單投票當日，佢就申報10.5萬膳食費，選舉事務處噚日睇唔到參選人提供單據，唔知佢口地係去食鮑參翅肚，定係宴請成千人食飯；九龍西參選林依麗，當日只係用300幾蚊請助理食魚蛋粉，真係相差好遠。選舉後慶功宴，大亦申報用1.28萬。

大同Emily解釋，話投票當日佢選區內票站同街頭擺成百幾個站，有過千人幫佢手，所以當日膳食開支達呢個「巴」十分正常。