王丹 fb被社民連洗版

21年嚟堅持平反六四嘅支聯會主席華叔，因為支持民主黨改良方案而受到辱罵，令前學運領袖王丹都忍唔住護航，喺 facebook留言叫大家無論係咪支持民主黨方案，都唔應該上綱上線到「背叛」同「出賣」層次，更加唔應該人身攻擊。

不斷重複發表反華叔言論

點知呢番話一出，竟然惹0黎唔少人向王丹個 facebook進行「洗版」行動，不斷重複發表反華叔0既言論，例如網民「 Nobody Nowhere」就不斷發文，不點名反問護短係中國人特質抑或奴性表現，又引用華叔「你係豬定係狗？可以賣0既咩？」名句，批評佢詛咒過去0既支持者。雖然都有網民和應呢種言論，但洗版0既行動亦都令某啲人感到厭惡。