紅衛兵系列：13歲維園哥「咪當我小朋友」

Donald是一群「維園阿哥」最年輕成員， 13歲便兩度突襲民主黨主席何俊仁。《城市論壇》上月邀請何俊仁為轉軚解話，離去時群情洶湧， Donald躺在車前攔路，警察警告他：「肥仔，你唔好玩嘢！」他用大聲公反擊：「你乜嘢態度呀？你幫緊邊個人做嘢？」事後民主黨有人慰問他：「警察叔叔有冇整親你？」他不屑：「咁講即係當我小朋友，我係少年！」

「唔該正常啲同我講嘢」

13歲的 Donald（右）一臉稚氣，但已懂得思考社會主義與極權的關係。

記者不明白 Donald為何如此反感，他解釋：「點解『警察』後面要加『叔叔』？幼稚園咩，我個樣係細個，但唔該正常啲同我講嘢。」一臉稚氣不是沒有用處。 7.1他手執迷你大聲公，在民主黨隊伍中「攝吓攝吓」沒人理，走到何俊仁面前大喊「何俊不仁，出賣選民」。
何頓時黑臉， Donald最後被義工推走，「示威咁多人，係互相保護，警察拉得邊個？去又一城起錨，瞓喺啲官架車前面，得我哋幾個人，就真係驚俾警察拉喇。但係政府扭曲民意，驚都要表達」。埋身肉搏，怕不怕危險？他非常「寸嘴」：「危險？邊方面？就算瞓車，司機點會開車車我？去立法會我又冇衝鐵馬。」

5月公投， Donald到社民連街站做義工，長期睡眠不足，病倒了，向學校請假。爸媽致電社民連，「你哋搞到我個仔唔返學。」傳到黃毓民耳中，以為他逃學，吩咐黨員傳口訊：「以後遊行見到你，當唔識你！」媽媽原本替他簽署了社民連入黨表格，最後擱置。「我覺得社民連開始唔對路，『毓民義工團』啲人見到毓民，圍住拍手，特別大聲。我覺得咁樣唔係欣賞，而係個人崇拜。點解冇長毛、大嚿義工團呢？」
想喚醒年輕人關心社會Donald出身天水圍綜援家庭，每月零用 250元，每周到維園坐車吃飯要 60元，一個月剩下 10元，最近在 facebook求教賺錢方法，「我諗到印忠孝悌 Tee，每件賺 15蚊，幫補交通費。」訪問期間，他吞吞吐吐，欲言又止，叮囑記者不要刊登他的中文名字，「好易俾人起底 o架。我多疑、鑽牛角尖，係事實。同學關係唔好，同我 friend嘅，係想我請佢食嘢」。上堂答問題，未答完就被同學揶揄：「我唔明你講乜，去《城市論壇》問啦！」不相識的同學突然拍他膊頭，大叫「起錨」。

最近學校老師逼 Donald交「功課」，每次示威前寫下行動計劃、口號、目的，示威後檢討。「 5月我跟社民連一齊鬧民主黨『投共』，其實冇證據，係侮辱。我鶽家唔會人身攻擊。」最近讀了馬克思的《共產黨宣言》及葉蔭聰的《直接行動》，「我認同社會民主主義，芬蘭係福利國家，貧富懸殊冇咁犀利。好多窮國家講社會主義，人人均富，即係人人都咁窮，極權冇制衡。我參加社運，想喚醒年輕人關心社會。」

天天「蒲」 facebook讀政論文章，自修時背「瓜分林瑞麟三十萬薪金」歌詞，上學期肥了一、兩科，估計今個學期肥三科。 Donald打算修心養性，日後少到維園。「話社運冇影響成績係假嘅，諗住搵補習。有段時間要退落嚟，沉思一番。我唔想行禮如儀，即係象徵式抗爭，唔知自己做緊乜。社運一定要繼續，乜都唔做淨係讀書，第日搵到穩定收入，似機械人，又有乜意思？」