社民連友好團體誓狙擊民主黨，黃毓民馬草泥撐場

團體誓狙擊民主黨　黃毓民馬草泥撐場
社民連內訌浮面
2010年09月21日

【本報訊】政改風雲告終，泛民「戰國時代」才剛剛開始。一批社運界青年組成「選民力量」，備戰區議會選舉，揚言違背選舉承諾的民主黨將「票債票償」，打破以往泛民協調派出一人參選的局面（咁既局面為咩要打破？為左民建聯當選而去打破？）。社民連創黨主席黃毓民和「馬草泥」任亮憲昨以個人身份（黃毓民唔代表社民連？佢係黎代表佢個仔？）撐場，該黨隨即發聲明澄清此舉不代表黨立場，社民連內部矛盾逐漸浮面。（矛盾？社民連兩臉三刀前言不對後語簡直係食生菜！）
記者：白琳

選民力量的創會成員包括私家醫生歐陽英傑，網台主持快必和慢必，還有前港姐袁彌明等，全部沒有政黨背景（不過就係社民連友好關係）。該會頭炮宣傳片參考熱爆 youtube的小學生自拍朗誦片段，改由歐陽英傑朗誦，呼籲年輕市民登記做選民，提升投票率。至於採訪通知中指會撐場的商台主持人潘小濤則發表聲明，由於雙方政治理念不同，故他早已拒絕出席。（咁樣抽潘小濤水？社民連真係無恥到極點）

何俊仁：民主黨可能輸

歐陽英傑呼籲民主黨一年之內承認出賣選民，公開支持政改的黨員應「退黨保平安」，否則該會將派員出選區會「打大佬」。目前最少逾 10名成員備戰，預計未來兩個月增至 30人。他又形容，泛民協調機制變成酬庸政治（馬草泥見無得選南區真係心有不甘），雖能集中票源對付建制派，但新人或有能之士參選無門，選民只能「兩害取其輕」，投票意欲大減。（加件垃圾會令投票率大增咁新奇？）

另一成員林雨陽指出，該會的方針是彰顯公義和政治道德，希望給處於弱勢的選民多些選擇。（原來幫民建聯當選係咁公義同道德！）該會發現民主黨李永達、馮煒光及柯耀林於 08年區會選舉分別以 464、 328及 5票險勝對手，很可能成為該會狙擊對象（贏５票就去狙擊，贏一千票就唔狙擊？哈，果然道德！）。林不諱言，個別選區或被民建聯奪去議席，但強調輸贏非首要考慮。（唔係社民連席位自然唔考慮）

民主黨主席何俊仁接受本報查詢時稱，選民力量參選對泛民沒有好處，惟有盡力做好本份，「佢哋參選，民主黨可能會輸，但係佢哋都冇贏，最後益咗民建聯。」

社民連創黨主席黃毓民、該黨行政委員「馬草泥」任亮憲聲稱路過才出席記者會。（咁橋路過！哈哈哈！黃毓民個仔係大陸對住公安係米都係咁講？）黃毓民表示， 07年已反對泛民協調機制，但其他黨員認為協調可增加勝算，「家我唔覺得民主黨仲係泛民，點解要協調？」（黃毓民個仔係大陸坐監，首要自然要同民建聯協調。）

社民連其後發出聲明與任亮憲劃清界線，指其言行與黨立場不符。（又去撐場又同黨立場不符，咁無恥係社民連先做得出！）為了抵制建制派，該黨與其他黨派有協調空間。（黃毓民要益建制派，社民連同民建聯慢慢協調啦！）任亮憲向本報重申，黨內確實有很多人不滿協調機制。他希望獲黨同意他出戰區議會選舉。他表示：「唔介意選民力量係競爭對手，咁先係民主精神。」（原來幫民建聯當選係民主精神！仲以為睇緊黃毓民個仔係大陸寫既悔過書。）

拆局
狙擊民主黨　或益咗建制派

任亮憲等社民連成員支持「選民力量」，公開表明狙擊民主黨區議會候選人。有社民連核心成員指，這非社民連領導層的想法（不過社民連領導層堅持路過支持），只是黨內少數人行為（黃毓民係一個人，不過佢係太上皇）。事實上，不少社民連的核心成員認為，這種做法不但對社民連沒有好處，甚至有可能會「益咗」建制派，令民建聯取得更多區議會席位。（不過仍然堅持去益民建聯）

違背領導層部署

有社民連領導層強調，社民連領導層早已決定區選狙擊目標是建制派，希望狙擊民主黨的社民連成員只是黨內少數極激進成員（黃毓民激進？佢有無衝擊過中聯辦？）。這班左翼成員長期以來，跟現時領導層在參選部署及抗爭手法持不同立場。「佢哋一直對家領導層都有意見，唔係淨係同唔同泛民協調呢一樣嘢咁簡單」。（佢地對太上皇黃毓民有意見？但事實係黃毓民支持佢地益民建聯。）

有社民連的核心成員更認為，假如社民連真的高調不參加泛民區議會協調，甚至派人狙擊民主黨，只會對社民連的形象造成損害，「又會俾人覺得我哋搞局，又將我哋邊緣化，令社民連好難吸引更多泛民支持者認同」，甚至有可能會「益咗」建制派，令民建聯取得更多區議會席位，最終對社民連百害而無一利。（對黃毓民有利就得啦！）

本報記者